Weather Update! LPA, nahimo nang Bagyong “DODONG”

110
PC: CDRRMD / PAG-ASA

5:35 PM 25JUNE19

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa hapon, ang gibantayang LPA sulod sa Philippine Area of Responsibility (PAR) nahimo nang Bagyo ug kini ginganlang (Tropical Depression “DODONG”) nga anaa sa gilay-ong 615 km Sidlakan Amihanang-sidlakan (East Northeast) nga bahin sa Aparri, Cagayan o 615 km Sidlakan (East) nga bahin sa Calayan, Cagayan; kakusgong 45 kph ug paglihok nga 25 kph Amihanang-sidlakan (Northeast) ganihang 4:00 sa hapon.


 

Ang Bagyong TD “DODONG” GAMAY ang posibilidad nga mo-landfall sa nasud.

 

Ang Northern Mindanao dili direktang apektado sa TD “DODONG” ug Habagat apan maka-sinati sa panalagsang pagdag-um ngadto na sa mapanganuron nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.

 

Hinay (light) ngadto sa kasarangan (moderate) nga hangin gikan sa Habagatan (South) ngadto sa Habagatang-kasadpan (Southwest) maoy mo-resulta sa 0.6 – 2.1 meters nga balud sa kadagatan sa Northern Mindanao.

 

Forecast Positions
24 Hour(Tomorrow afternoon): 715 km East Northeast of Basco, Batanes
48 Hour(Thursday afternoon):1,625 km Northeast of Basco, Batanes (OUTSIDE PAR)

 

Walay pag ulan sa Cagayan de Oro karong orasa.

 

Mapanganuron sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)

 

Mapanganuron usab sa Talakag ug Baungon. (Kining mga lugara ang makapasaka sa tubig sa suba sa Cagayan)

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments

From Advertisers