Weather Update! LPA, padayong gibantayan- CDRRMD!

22

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang Low Pressure Area (LPA) SULOD sa PAR nga anaa sa 460 km Sidlakan Amihanang-sidlakan(East Northeast) nga bahin sa Guiuan, Eastern Samar ganihang 3:00 sa buntag.

Ang Northern Mindanao dili apektado sa Trough of LPA ug Southwest Monsoon (HABAGAT) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.

Kasarangan (moderate) ngadto sa panalagsang kusog (occasionally strong) nga hangin gikan sa Habagatan-kasadpan (Southwest) ngadto sa Kasadpan (West) maoy mo-resulta sa 1.2 – 2.5 meters nga balud sa kadagatan sa Northern Mindanao.

Naka-sinati sa hinay (light) nga pag ulan ang ubang parti sa CDO karong orasa.

Nagpabiling mapanganuron sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Nagpabiling mapanganuron usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).

NORMAL ang LEVEL sa tubig sa mga suba sa Cagayan ug Iponan.

Samtang ang CDRRMD pabilin sa pag monitor.
PC: CDRRMD

Facebook Comments