5:50 AM 23DEC2019
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Samtang ang gibantayang Bagyo (International name TROPICAL STORM “PHANFONE”) GAWAS sa PAR anaa na sa gilay-ong 1,000 km Sidlakan (East) nga bahin sa Mindanao; kakusgong 65 kph; ug paglihok nga 20 kph Kasadpan (West) Amihanang-kasadpan (Northwest) ganihang 3:00 sa buntag. Ang bagyo posibling mo-sulod sa PAR karong adlawa (December 23) ug nganlang Bagyong “URSULA”. Ang tibuok Mindanao apektado sa Easterlies tungod niini maka-sinati sa madag-umon nga kalangitan inubanan sa katag-katag nga pag ulan. Ang Bagyo dili direktang maka-apekto sa tibuok Mindanao.
Ang Easterlies mao ang init nga hangin nga naga-gikan sa Pacific Ocean nga gadala ug panganud nga posibling makapa-ulan sa mga lugar nga apektado niini.
Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) nga maoy mo-resulta sa 0.6 – 2.1 meters nga balud sa kadagatan sa Northern Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich.(Kining mga lugara maao ang tinubdan sa tubig nga makapabaha sa Lapasan paingon sa Bugo).
Walay pag ulan usab sa Talakag ug Baungon.(Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
