Weather Update! Mindanao, apektado sa Habagat

24
PC: CDRRMD / PAG-ASA

5:35 AM 07OCT2020

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan ang gibantayang Low Pressure Area (LPA) sulod sa Philippine Area of Responsibility (PAR) anaa na sa gilay-ong 320 km Sidlakan (East) nga bahin sa Daet, Camarines Norte ganihang 3:00 sa buntag. Samtang ang gibantayang Bagyong (Tropical Storm with international name “CHAN-HOM”) gawas sa PAR mikusog ug nahimong nang Severe Tropical Storm. Kini anaa na sa gilay-ong 1,600 km Sidlakan Amihanang-sidlakan (East Northeast) nga bahin sa Extreme Northern Luzon; kakusgong 100 kph; ug 15 kph nga paglihok Kasadpan Amihanang-kasadpan (West Northwestward) ganihang 3:00 sa buntag. Ang bagyo migamay ang tsansa nga mo-sulod sa PAR.

 

Ang tibuok Mindanao dili apektado sa LPA ug Northeasterly Surface Windflow apan maka-sinati sa madag-umon nga kalangitan inubanan sa katag-katag nga pag ulan, kilat ug pagpanalugdog tungod sa Habagat (Southwest Monsoon).

 

Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) ngadto sa Kasadpan (West) maoy mo-resulta sa 1.2 – 2.1 meters nga balud sa kadagatan sa tibuok Mindanao.

 

Madag-umon ngadto sa hinay (light) nga pag ulan ang nasinati sa Cagayan de Oro karong orasa.

 

Madag-umon ngadto sa hinay (light) nga pag ulan ang nasinati sa ubang parti sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Madag-umon ngadto sa hinay (light) nga pag ulan usab ang nasinati sa ubang parti sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).




 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

 

Facebook Comments