Weather Update! Mindanao, apektado sa ITCZ

37
PC: CDRRMD / PAG-ASA

5:55 AM 21MAY2021

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Ang tibuok Mindanao dili direktang apektado sa Easterlies apan nagpabiling makasinati sa mapanganuron nga kalangitan inubanan sa katag-katag nga pag-ulan tungod sa Intertropical Convergence Zone (ITCZ).


 

Ang ITCZ mao ang pagtabo sa hangin gikan sa Northern ug Southern Hemispheres duol sa equator. Kini nga pagtabo moresulta sa mga baga nga panganod nga gadala ug pag ulan.

 

Hinay (light) ngadto sa kasarangan (moderate) nga hangin gikan sa Habagatang-kasadpan (Southwest) ngadto sa Amihanang-kasadpan (Northwest) maoy mo-resulta sa 0.6 – 2.1 meters nga balud sa kadagatan sa tibuok Mindanao.

 

Samtang ang ubang parti sa Misamis Oriental (Lugait, Manticao, Initao, Gitagum, Laguindingan, Alubijid, ElSalvador, Opol, CagayandeOroCity, Tagoloan, Villanueva, Jasaan, Balingasag, Lagonglong, Salay, Binuangan, Sugbongcogon, Kinoguitan, Talisayan); Lanao del Norte (Maigo, Bacolod, Kauswagan, Linamom, IliganCity, TagoloanI, Baloi, PantarRagat, Piagapo; Misamis Occidental (Baliangao, Plaridel, Calamba, LopezJaena, Oroquita, Aloran, Jimenez, Sinacaban, Tudela, Clarin, Ozamis, Conception) ug Camiguin (Catarman, Mambajao) nakasinati sa hinay (Light) ngadto sa kasarangan (moderate) inubanan sa panalagsang kusog (occasionally heavy) nga pag ulan inubanan sa kilat ug kusog nga hangin tungod sa thunderstorms sulod sa 1 – 2 ka oras, basi sa pahimangno sa PAGASA ganihang 4:10 sa buntag.

 

Nakasinati sa madag-umon ngadto sa hinay (light) nga pag ulan ang ubang parti sa Cagayan de Oro karong orasa.



 

Madag-umon sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo)


 

Madag-umon usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan)

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments