5:45 AM 16APR2020
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Ang tibuok Mindanao dili apektado sa Ridge of High Pressure Area (HPA) apan maka-sinati sa panalagsang pagdag-um inubanan sa pat-ak pat-ak nga pag ulan tungod sa “localized” thunderstorms.
Hinay (light) ngadto sa kasarangan (moderate) nga hangin gikan sa Sidlakan (East) ngadto sa Amihanang-sidlakan (Northeast) nga maoy mo-resulta sa 0.6- 2.1 meters nga balud sa kadagatan sa tibuok Mindanao.
Mapanganuron ang ubang parti sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich. (Kining mga lugara mao ang tinubdan sa tubig nga makapabaha sa Lapasan paingon sa Bugo).
Walay pag ulan usab sa Talakag ug Baungon. (Kining mga lugara ang makapasaka sa tubig sa suba sa Cagayan).
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
