5:55 AM 15NOV18
Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, walay bagyo apan adunay gibantayang bag-ong Low Pressure Area (LPA) SULOD sa Philippine Area of Responsibility (PAR) nga anaa sa gilay-ong 370 km Habagatan Habagatang-sidlakan (South Southeast) nga bahin sa Puerto Princesa, Palawan ganihang 3:00 sa buntag. Ang LPA GAMAY ang posibilidad nga mamahimong bagyo.
Ang Northern Mindanao dili direktang apektado sa Amihan (Northeast Monsoon) apan maka-sinati sa madag-umon nga kalangitan inubanan sa katag-katag nga pag ulan tungod sa LPA.
Hinay (light) ngadto sa kasarangan (moderate) nga hangin gikan sa Amihanang-sidlakan (Northeast) ngadto sa Sidlakan (East) maoy mo-resulta sa 0.6 – 2.1 meters nga balud sa kadagatan sa Northern Mindanao.
Walay pag ulan sa Cagayan de Oro karong orasa.
Walay pag ulan sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon karong orasa.
(Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
Samtang, CDRRMD pabilin sa pag monitor.
