Weather Update! Northern Mindanao, apektado sa Trough o Extension sa Bagyong “ROLLY”

35
PC: CDRRMD / PAG-ASA

5:40 AM 30OCT2020

Gipahibalo sa City Disaster Risk Reduction and Management Department o CDRRMD nga basi sa Weather Forecast sa PAGASA ganihang 4:00 sa buntag, ang sentro sa gibantayang Bagyong (Typhoon) “ROLLY” sulod sa Philippine Area of Responsibility (PAR) anaa na sa gilay-ong 1,195 km Sidlakan (East) nga bahin sa Central Luzon; kakusgong 140 kph; ug paglihok nga 20 kph sa Kasadpan (Westward) ganihang 3:00 sa buntag. Ang Bagyo posibling mo-landfall sa Central Luzon-Quezon area karong Domingo (November 01) sa gabii o Lunes (November 02) sa buntag.


 

Samtang ang gibantanyang Bagyo (Tropical Storm) (International name “ATSANI”) GAWAS sa PAR anaa na sa gilay-ong 2,320 km Sidlakan (East) nga bahin sa Mindanao; kakusgong 65 kph; ug paglihok nga 20kph sa Amihanan Amihanang-kasadpan (North Northwestward). Ang bagyo posibling mo-sulod sa PAR karong Domingo (November 01) o Lunes (November 02) ug nganlang Bagyong “SIONY”.

 

Ang Northern Mindanao dili apektado sa Bagyo (Typhoon) “ROLLY” ug Northeasterly Surface Windflow apan makasinati sa madag-umon nga kalangitan inubanan sa katag-katag nga pag ulan, kilat ug pagdalugdog tungod sa Trough o Extension sa Bagyo (Typhoon) “ROLLY”.

 

Kasarangan (moderate) ngadto sa kusog (strong) nga hangin gikan sa Amihanang-sidlakan (Northeast) ngadto sa Amihanang-kasadpan (Northwest) maoy mo-resulta sa 0.6 – 2.5 meters nga balud sa kadagatan sa tibuok Mindanao.

 

Nagpabiling madag-umon sa Cagayan de Oro karong orasa.




 

Madag-umon sa Libona; Mampayag, Dahilayan ug Lindaban, Manolo Fortich karong orasa. (Kining mga lugara mao ang tinubdan sa tubig nga makapabaha sa Lapasan paingon sa Bugo).

 

Madag-umon usab sa Talakag ug Baungon karong orasa. (Kining mga lugara ang makapasaka sa tubig sa suba sa Cagayan).

 

NORMAL ang LEVEL sa tubig sa mga suba sa Cagayan ug Iponan.

 

Samtang, CDRRMD pabilin sa pag monitor.

Facebook Comments