Posibling madungagan pa ang mga lugar nga ipailawom sa Tropical Storm Warning Signal dungan na usab sa pagsulod sa bagyong ‘Basyang’ padulong ngadto sa kanluran nga bahin sa Mindanao.
Kini mao ang mga lugar sa Negros Occidental, Zamboanga del Sur ug uban pang lugar sa Zamboanga del Norte.
Sa pinakauwahing weather Forecast sa PAGASA-DOST, nakit-an ang sentro sa bagyo sa 620km Silangan Timog Silangan sa Hinatuan, Surigao del Sur nga dunay gikusgon nga 65kph.
Tungod niini pipila ka lugar sa Northern Mindanao ug Eastern Visayas ang nakasinati na ug mga katag-katag nga mga pag-ulan.
Sa kasamtangan anaa na sa Signal No. 1 ang habagatang parti sa Samar ug Eastern Samar, Leyte, Southern Leyte, Bohol, Cebu, Negros Oriental ug Siquijor.
Signal No. 1 sad ang Dinagat Islands, Surigao del Norte, Agusan del Norte, Agusan del Sur, Camiguin, Compostella Valley, Davao Oriental, Davao del Norte, Misamis Oriental, Misamis Occidental, Lanao del Norte, Lanao del Sur, Bukidnon at hilagang bahagi ng Zamboanga del Norte. Samtang Signal No. 2 ang Surigao del Sur.
Gilauman nga mugawas sa Philippine Area of Responsibility ang Bagyong Basyang kaorng umaabot nga Byernes, Pebrero 16, 2018.
