Gipahigayon kahapong adlawa ang media forum may kalabutan sa programa sa Department of Health nga mao ang Weekly Iron Folic Acid (WIFA) supplementation for Female Adolescent Learners in Grades 7-10 ug Alternative Learning System (ALS).
Dako kining tabang ngadto sa mga kababayen-an matod pa sa taga DOH. Ilabi na nga nagpagawas ug survey niadtong 2013 ang National Nutrition Survey (NNS) nga gipahigayon sa Food And Nutrition Research Institute (FNRI) nga base sa resulta sa ilang survey usa (1) sa napulo (10) ka mga babaye nga nag edad ug 10-13 pataas nag antos sa sakit nga Anemia.
Dali matod pa maigo sa anemia ang mga babaye tungod kay aduna silay binulan nga cycle menstruation hinungdan nga mo ubos ang ilang iron sa dugo.
Ang Department of Health nakig alayon sa Department of Education (DEPED) aron I implementar ang school-based Weekly Iron Folic Acid (WIFA) alang sa mga estudyanteng babaye nga nagtungha sa pampublikong eskwelahan.
Gani nagpagawas na ang Deped ug AO No. 2010-0010 nga mao ang “Revised Policy on Micronutrient Supplementation and Micronutrients Needs of other Population Groups” aron sa ingon madugangan ang kakulangon sa folate sa mga babaye.
Ang matag benepisyaryo hatagan kini ug 60mg El iron uban sa 400 mg folic acid matag semana kada adlawng Lunes nga moabot kini ug 12 ka semana.
Ang una nga round sa pagpang hatag niini matag bulan sa Hulyo-September, tapos ang sunod nga round matag bulan sa enero hangtod na kini sa bulan sa marso matag tuig.
Matod pa sa Deped ug DOH kinahanglan nga busog ang usa ka bata nga moinom niini nga folic acid aron dili malipong, samtang ang epekto niini posible nga magsuka ug itom ang kolor sa hugaw apan dili matod pa angay kabalak-an ang maong epekto.
Nanawagan usab ang DOH ug Deped ngadto sa mga ginikanan nga dili angay mabalaka tungod kay luwas kini ug dakong tabang ngadto sa mga kulang sa iron nga mga bata.
Hinuon, sa dili pa kini sila pa imnon adunay may notification letter nga dapat pirmahan sa ginikanan nga ilang tugutan ang ilang anak nga moinom, apan kung dili sila mo pirma dili usab pugson pagpa inom ang usa ka bata.
Lauman karong unang bulan sa 2018 sugdan na ang pagpa inom niining Iron Folic Acid isip pagsunod sa kamanduan sa Deped.
