Davao City- Muhatag og insentibo ang City Government of Davao ngadto sa mga tulo ka mga government offices nga magmalampuson sa Fit Filipino National Weight Loss Challenge.
Sumala ni Davao City Mayor Inday Sara Duterte-Carpio nga adunay 20, 000 pesos nga madawat ang tulo ka mga opisina nga makaabot sa ilang target nga ibawas nga timbang hangtod bulan sa Disyembre.
“Dunay incentives katong mga offices nga maka-perfect sa ilang target, so kung nag-target sila og 100 pounds sa ilang office then makuha to nila by December aduna silay 20 thousand pesos.”
Samtang mi-commit usab si Mayor Inday nga mubawas siya’g 10 pounds.
“For the 1 million pound weight loss challenge, I committed 10 pounds and endeavor ni sa City Government of Davao to promote a healthy lifestyle for everybody, to prevent diseases, and to prevent untimely deaths. Mas malaki ang ma-save ng families kung walang maintenance na medicines, kung walang ma-hospital sa kanila because of unhealthy living practices.”
Tambag ni Duterte nga aron mas dali ang pagpayat kinahanglan likayan ang pagkaon og sobra ug mag ehersisyo.
Kahinumduman niadtong Setyembre 25 ang City Government of Davao gidawat ang challenge nga mu-lose og 12,010 pounds sa Fit Filipino National Weight Loss Challenge.
RadyoMan Aimee Guinita
