Pagadian City – Nadakpan sa tropa sa Pagadian City Police Station ang lalaki nga pinangita sa balaod atol sa gilusad nga manhunt operation sa Purok Mauswagon, Barangay Gubac, Pagadian City.
Giila sa hepe sa kapulisan ning syudad nga si Police Lt. Col. ALVIN SAGUBAN ang nadakpan nga si ARMAND DIANA BIOL aka ARMANDO, 24-anyos, weder ug residente sa Purok Paminta, Barangay Macasing, Pagadian City.
Armado ang kapulisan sa Warrant of Arrest batok sa suspek sa kasong ATTEMPTED MURDER nga permado ni DENNIS VICOY, Executive Presiding Judge, Regional Trial Court, 9th Judicial Region, Branch 20, Pagadian City.
Mobalor sa 120,000 ka pesos ang gitugot sa korte nga pyansa isip bugti sa temporary nga kagawasan sa dinakpan.
Ang dinakpan gikostudiya buhatan sa Pagadian City Police Station samtang nahulat sa sunod nga lakang.
