Davao City – Daw nalitson ang lawas sa usa ka welder tungod sa kakusog sa boltahe sa kuryente nga misulod sa lawas niini.
Napaig ang katunga sa lawas sa biktima nga si Joselito Biomel, 22-anyos, welder, ug nagpuyo sa lungsod sa Kapalong, Davao del Norte gumikan sa kakusog sa kuryente nga misulod sa lawas sa biktima.
Sa report, natumba matud pa ang bakal nga giwelding sa livewire ug nahikapan kini sa biktima resulta sa pagka kuryente niini pasado alas-7:00 kagabii.
Abtik usab naka ibot sa kuryente ang kakaubanan sa biktima kinsa mikirig og pila ka minuto usab tungod sa boltahe sa kuryente.
Apan nasunog ra gihapon ang katunga sa lawas diin apil nasunog ang lubot sa biktima.
Gilayon gihatud sa Southern Philippines Medical Center (SPMC)-Burn Center si Biomel aron matambalan ang sunog nga parte sa lawas niini.
RadyoMaN Joel Viray
