ILOILO City – Padayun nga nangin inspirasyon ang syudad sang Iloilo sa iban nga mga syudad sa pungsod.
Ini ang kabangdanan kun ngaa nangin venue ang syudad sang mga study tours.
May lima na ka syudad nga nagpadala sang sulat kay mayor Jose Espinosa III agud magpahibalo sang ila kagustuhan nga magbisita sa syudad sang Iloilo bilang kabahin sang ila benchmarking activities.
Magabisita ang mga opisyal kag empleyado sang Carcar City Cebu sa Nobyembre 3-6 agud magpamati sa mga replicable practices.
Masunod nga magabisita ang city council sang General Santos city subong nga adlaw.
Ginakabig nila ang syudad sang Iloilo bilang isa ka venue sang critical benchmarking.
Gusto naman mahibaluan sang opisyal sang Tagbilaran City, Bohol kun ano ang best practices sang syudad sa preservation sang mga heritage building.
Sa bahin sang mga opisyal sang Jose del Monte, Bulacan gusto nila mahibaluan ang mga stratehiya sa pagtukod sang Iloilo river esplanade project kag economic zone development sa Nobyembre 8.
Ini nga mga syudad interesado sa madinalag-on nga pagtinlo sang syudad sang Iloilo river.
Photo via *Iloilo City the Heart of the Philippines* <www.facebook.com/THEHEARTPHILIPPINES/?tn-str=k%2AF>
