Davao City – Patay ang usa ka welder human nakuryentihan samtang nagtrabaho kini sa usa ka hotel and convention center sa may dalang Porras St. Bo. Obrero ning syudad sa Davao.
Sa report gikan Sta Ana Pnp ang biktima naila sa pangalang Roldan Gupit, hingkod ang edad nga taga Sinuda, Bukidnon ug kasamtangang residente sa Upper Buhisan, Brgy. Tibungco ning syudad.
Sa imbestigasyon sa Sta Ana PNP, sumala pa ni Salvio Cabanas, usa ka foreman, iyang gipahibalo ang in-charge sa electrical nga si Kenrich Tamse nga palungon ang electrical supply sa maong gambalay.
Apan nakurat nalang ang mga kauban niini nga kalit nisiyagit ang biktima ug nawad-an og panimuot.
Matud pa, una nakuryentihan ang biktima iyang gikuha ang mga electrical cables didto sa kisame nga bahin.
Ang biktima daling gidala sa Southern Philippines Medical Center apan gideklara na kining dead on arrival.
RadyoMan Don Pulayao
