BACOLOD CITY – Patay ang isa ka trabahante matapos nga ini ang nakuryente sa lugar nga iya ginatrabahuan sa Brgy. Mandalagan, Bacolod City may mga La Una kahapon sang hapon.
Nakilala ang biktima nga si Rowel Gainsay, 42 anyos, kasado kag pumuluyo sang Brgy. Villamonte ciudad sang Bacolod kag empleyado sang isa ka hardware sa Brgy. Mandalagan.
Suno sa mga kaupdanan sang biktima nga ang customer niya ang naka-kita sa iya nga nagapungko na lamang kag wala sang kabuhi.
Nahibaluan nga kabahin sang obra sang biktima sa hardware amo ang pagpang-welding.
Gindala pa sa Corazon Locsin Montelibano Memorial Regional Hospital ang biktima apang ini gin-declare nga patay may mga la 1:30 sang hapon sang attending physician nga si Dr. Jamal Portillo./dyHB BACOLOD
