Isa naman ka kadungganan ang nahatag sang football players sang Western Visayas.
Ini matapos nagkampeon ang Western Visayas sa Football Secondary Level sa Palarong Pambansa nga ginahiwat sa Davao City.
Ginlutos sang Western Visayas Football team ang Central Visayas sa score nga 2-1.
Ang football rteam sang Western Visayas ginabug-usan sang mga football players sang Barotac Nuevo, Iloilo.
Nakuha sang WV football team secondary level ang kampeonato sa pihak sang makaluluoy nila nga sitwasyon kon sa diin mga daan ang sapatos nga ila ginagamit.
Nahibaluan nga wala makapaguwa sang pondo ang provincial government sang Iloilo para sa financial assistance sa mga atleta bangud sa pagpugong sang mga kontra-administrasyon nga board members nga mapasar ang budget sang probinsya para sa 2019.
