General Santos City–Nagpabilin pa sa sa ospital ang suspetsadong target sa search warrant Operation sa Norallah PNP niadtong nakalabayng adlaw sa may Sitio El Kuda, Barangay Puti, Norallah, South Cotabato.
Suspek giilang si Sison Doyal Dalongdong, 35, mag-uuma ug residente sa maong lugar.
Sumala ni Police Major Marifel Maganto, Hepe sa Norallah PNP nga misukol matud pa ang suspek kung asa padulong palang ang kapulisan nga moserved unta sa search warrant iya na kining gipabuthan mao nga wala nay mahimo ang kapulisan kon dili kini pusilon.
Dugang pagbutyag ni Police Major Maganto nga nakuha sa posisyon sa suspek ang mga pinaugang dahon sa marijuana ingon ang pusil nga gigamit niini sa pagsukol sa kapulisan.
Kasong kalapasan sa RA 10591 ug RA 9165 ang ilang gipasang-at batok sa suspek.
Samtang higayon nga makarekober na kini sa iyang samad nga naangkon-gilayon nila kining ipaslak sa bilangguan.
