Nagapanglima sa gihapon ang Western Visayas sa mga rehiyon sa pungsod nga may pinakadamo nga kaso sang Human Immunodeficiency Virus ukon HIV
Nabalhag sa rehiyon ang kabug-usan nga 1,962 ka kaso sang HIV sa bulan sang Hulyo kag Agosto sa sini nga tuig.
Base sa epidemiology bureau sang DOH nga sa 1,962 ka kaso ang 858 diri ang nabalhag sang Hulyo kag 1,104 sang Agosto suno sa pinakaulihi nga report sang HIV/AIDS and Art Registry of the Philippines ukon HARP.
Sa kabug-usan nga 1,962 ka kaso, kapin 250 ang namutikan nga nag-develop sa full-blown acquired immune deficiency syndrome ukon AIDS samtang ang 1,712 ang wala sang may ginpakita nga sintoma.
95% ukon 1,873 sa mga kaso ang mga lalaki kag 89 mga babaye kon sa diin 18 sa ila ang mga nagabusong.
