Amat-amat na nga naganubo ang numero sang mga malnourish nga kabataan sa Western Visayas subong nga tuig.
base ini sa report sang National Nutrition Council ukon NNC region 6.
Gintipon ang report nagikan sa nagkalain-lain nga local government unit sa rehiyon pinaagi sa operation timbang.
Naglab-ot lamang sa .32% ang pagnubo sang numero sang mga kabataan nga malnoursih apang nalipay na ang NNC bangud nabuhinan na ang mga kabataan kulang sang nutrisyon sa rehiyon.
Base sa prevalence rate subong nga 2017, naglab-ot na lamang sa 4.68% ang malnourish nga kabataan nga mas manubo ikumparar sa 5% sang 2016.
suno kay NNC regional nutrition program coordinator Nona Tad-y nga target sang rehiyon nga mapanubo sang 1% kada tuig ang numero sang malnourish nga kabataan.
Nagapabilin sa gihapon nga nagapanguna ang Antique nga may 7.04% nga prevalence rate sang malnourish nga kabataan, ginasundan sang Negros Occidental nga may 5.79%, Aklan, may 5.09%, Iloilo 3.88% kag nagasunod ang Capiz kag Guimaras.
