Malipayon nga ginbalita sang 90’s boyband nga Westlife ang liwat nila nga pagbalik sa pungsod.
Ini matapos nga kalakip ang Pilipinas sa Napili sang Irish boyband nga pagahiwatan sang ila “The Twenty Tour” bilang pagsaulog sang ila ika-20 ka tuig sa Araneta Coliseum sa Hulyo 30.
Ginabug-usan sang orihinal nga miyembro ang boyband nga sanday Shane Filan, Kian Egan, Nicky Byrne kag Marcus Feehily.
Gin-anunsyo sang organizers nga mahimo na nga mabakal ang tickets umpisa sa Marso 30.
Magluwas sa Pilipinas, may concert man ang grupo sa Singaporee, Thailand, Indonesia, Malaysia kag iban pa
Nagbulagay ang grupo sang Oktubre 2011 pila ka bulan matapops ang ila manila concert.
Pila sa mga ginpasikat nila ang “Swear it again”, “If I Let You Go”, kag madamo pa nga iban.
