General Santos City–Hugtanong nanghimakak ang 19 anyos nga itago lang sa pangalang Alias Richard, ulitawo, residenti sa Alabel, Sarangani Province nga iyang gimolestya ang biktimang 13 anyos nga dalagita nga itago lang sa pangalang Inday, residenti sa Barangay South Gensan.
Sumala sa suspek nga iya lang gibuyag ang nasampit ug ang kaubanan niini nga dili hugaw-hugawan ang CR sa iyang amo apan nasuko na nuon ang biktima ug gibutang-butangan siya ug estorya.
Walay kamatuoran matud nga nga iyang gimelestya ang biktima sukwahi sa reklamo niini ngadto sa kapulisan.
Dugang pagbutyag sa suspek nga posibleng gipanimaslan lang sya sa biktima human iya kining gisita.
Mando matud pa sa iyang amo ngadto kanila nga dili pasudlan ug laing tawo ang CR sa ilang tindahan gawas lang sa ilang mga customer. Natingala nalang ang suspek nga siya gisikop na sa ilang mga silingan ug giturn-over ngadto sa kapulisan.
