General Santos City— Giangkon ni Lt. Col. Gerry Besana tigpamaba sa Western Mindanao Command nga aduna gyu’y kakulangon sa gihimong pagmonitor sa ilahang area of responsibility rason nga nalutsan ug bomba ug granada.
Sumala niya nga dakong bakak sa ilahang kabahin kung musulting walay bahad sa siguridad gumikan sa mga nahitabong pagpabusikad dili lang sa ilahang area of resonsibility kundili bisan na sa ubang dapit sa Mindanao.
Apan gibutyag niya nga sa aron nagpabiling generally peaceful ang ubang dapit sa sulu gawas nalang sa Metro Jolo kung asa nibusikad ang duha ka bomba nga gikamatay sa 27 ka mga inidbidawal.
Saysay niya nga usa lang matud pa kini ka isolated nga panghitabo ug padayon ang ilahang ginahimo nga operasyon batok sa mga suspek nga gika-ingong Ajang-Ajang kon armadong grupo nga nagatrabaho sa teroristang Abu Sayyaf.
Nanawagan man usab kini ngadto sa mga aktibistang nagabatikos sa inapatumang martial law sa mindanao nga mutabang aron sa pagsulbad sa problema sa terorismo ug dili magdugang sa problema.
Pagpaklaro niya nga kung walay martial law sa Mindanao posibleng dili lang ingon ini ang nasinatiang kagubot sa pipila ka mga lugar busa iyahang gi-angkon nga dakong tabang ang martial law sa pagpabiling hapsay ug malinawon ang kadaghanang lugar sa Mindanao.
