Himamaylan City, Negros Occidental – Isa ka stranding whale shark (rhincodon typus), ang nakit-an sa manabaw nga bahin sang baybayon sang Barangay Aguisan, Himamaylan City.
Ang whale shark ang nagalaba sang 6 meter kag nagabug-at sang 3.5 tons. Ginabulubanta nga ini ang naga-edad na sang 15 anyos.
Sa facebook post ni professor Ray Manzano sang Carlos Hilado Memorial State College – College of Fisheries nga pinakauna ini nga tion nga iya na-encounteer ang ‘butanting’ sang Abril 23 kag ini ang ginrespondehan sang ila nga grupo nga ginabug-usan nanday Team Leader & Documenter: Prof. Roger Ray Manzano, Executive Director, CHMSC Binalbagan Campus; Data Collectors: Jonathan Eseller, Field Enumerator BFAR NSAP6; upod sanday Jen Depison, Antonio Mahinay, John Obiedo kag Regie Denajeba; Crowd Controller: Brgy. Kagawad Cynthia Castillo.
Nagapasalamat man ini kanday Dr. Ari Barcelona, Maria Elena San Jose kag Dave G. Albao sa ila nga guidance paagi sa tawag sa telepono.
Nasi-od ini sa trolling net sang isa sakayan pandagat apang matapos ang inspection, ginbuy-an man ini palawod.
Pagpati sang mga eksperto, nga nagapangita sang iya kalan-unon ang amu nga whale shark.
Antis paman nakita-n ang butanting, sa Barangay Enclaro, Binalbagan nakit-an man ang isa ka dolphin nga ara sa na sa state of decomposition.
Wala man ini sang kahilabtanan sa ginasiling trahedya kaangay sa linog.
