CAPIZ – Natigayon na nga igatugyan sang gobierno probinsyal sang Capiz sa idalom sang talatapan sang Provincial Social Welfare and Development Office (PSWDO) ang isa ka gatos nga wheelchair sa mga kubos nga benepisyaryo sa probinsya sang Capiz.
Ang mga benepisyaryo sini ang guin-identify base sa ila guinpasa nga medical certificate, certificate of indigency kag litrato sang benepisyaryo. Ang pumoluyo sang Capiz nga may sablag sa lawas isa sa mga guinahatagan sang pagtamod sang administrasyon ni Gov. Tony del Rosario agud may magamit ang mga ini kag mangin komportabli ang ila nga paghulag.
Sa matandaan nga sang tinalikdan nga bulan sang Disyembre may nauna na nga 50 ka mga wheelchair ang guinpanghatag sa bulig man sang Department of Health.
(c) Capiz Aksyon News Center
