Davao City – Sayop ang nanggawas karon nga mga inpormasyon sa social media sa alegasyong puti nga van nga nagapangidnap og mga indibidwal ilabi na mga kabataan.
Kini maoy pagpatino ni Public Safety and Security Command Center (PSSCC) Head Angel Sumagaysay diin malagmit nga mugna-mugna lamang kini sa mga nagpasiugda niini aron matanum sa hunahuna sa tawo ang tumang kahadlok ug kabalaka.
Sumala ni Sumagaysay, ang PSCC ingon man ang Davao City Police Office (DCPO) walay nadawat nga reliable information kalambigit ning maong istorya nga nagsugnod ug kahadlok sa katawhan.
Kahinumduman nga nahimong trending sa Davao ang isyu sa giingong pagpangidnap sa mga tawong luwan sa white van.
Gipaniguro karon ni Sumagaysay nga magpabiling alerto ang mga awtoridad sa tanang panahon aron sa paghatag og igong seguridad ngadto sa tanang mga lungsuranon.
RadyoMaN Jason Amisola
