Davao City – Miapelar ang Department of Public Works and Highways Davao Region sa katawhan sa mamahimong epekto sa Widening Talomo Bridge 1 Project nga plano ipatuman sulod karong tuiga.
Gihangyo daan sa DPWH 11 ang publiko nga kung mahimo patas-an daan ang ilang pasensiya sa dad-on nga epekto sa trapiko panahon masugdan na ang proyekto sa pagpalapad sa tulay sa Talomo sa siyudad hinoon wala pa’y tino nga buwan ug petsa sa implementasyon.
Suma ni DPWH 11 Spokesperson Dean Ortiz, panahon makumpleto ang proyekto mas hamugaway ug paspas na ang dagan sa mga sakyanan gumikan sa kalapad unya sa tulay gikan sa upat mahimo na kining unom nga lanes.
Gipasabot ni Ortiz, gikinahanglan una magsakripisyo ang katawhan sa puwerso nga ihatud sa proyekto tungod temporaryo lamang kini ug human sa pag-antos mubanos naman pod ang tawhay nga trapiko ug biyahe sa mga motorista ug sa riding public.
RadyoMaN Joel Viray
