“Wild dogs” sa Guimaras, nagpatay na sang 50 ka kasapatan

72
GUIMARAS-  Tatlo ka tinday nga baka, 22 ka kanding, 20 ka pato kag 2 ka mga inugbulang nga manok na ang nagkalamatay matapos atakehon sang mga ido sa sulod sang isa ka semana sa Purok 2 brgy. Tastasa, Buenavista, Guimaras.
 
Ini ang nalista ni PSI Jeffrey Ferrer, hepe sang Buenavista PNP,
nga biktima sang mga ido.
 
Dugang ni PSI Ferrer, aga nagaatake ang 4 ka mga dalagku nga ido nga bisaya nga nagapamatay kag may upod pa ini nga 6 ka mga totoy.
 
Ang ining insidente ginakahangaw-an karon sang pumuluyo sang Brgy. Tastasan, Buenavista, Guimaras.
 
Suno naman kay Buenavista Municipal Agriculturist Mr. Ebenezer Habaña, posible nagutoman ang mga ido rason kon nga-a nagapamatay ang mga ini sang iban nga sapat.
 
Suno naman sang mga katigulangan nga posible aswang ang mga ido bangud gina suyop lamang sang mga ini ang dugo kag ginakaon ang kasudlan ilabi na ang atay sang kutob mapatay nga sapat.

Facebook Comments