Ramong Magsaysay, Zamboanga del Sur – Kritikal ang drayber ug truckman niini human nahulog sa pangpang ang ilang gisakyan nga wing van sa Sitio Alang-alang, Barangay Poblacion sa lungsod sa lungsod sa Ramon Magsaysay, Zamboanga del Sur.
Giila ang drayber nga si Ricky Dela Torre kwarentay kwatro anyos residente sa Zone 2, Barangay Tumaga, Zamboanga City, samtang ang truckman usab giila nga si Christian Rivera, diese nwebe anyos residente sa Barangay Mambang sa lungsod sa Siocon, Zamboanga del Norte.
Base sa inisyal na imbestigation sa mga otoridad nigawas nga samtang gadagan ang wing van nga dunay kargang chicken feeds gikan sa Zamboanga City arun dad-on sa syudad sa Ozamis City apan paghidangat kurbadang bahin sa lugar nawad-an kini sa preno og niambak sa pangpang.
Gumikan sa kakusog sa impak, napiit ang duha og gikinahanglan pa nga bungkagon ang ulo sakyanan arun makuha ang duh aka biktimasa sulod.
Miabot sa unom ka oras una nakuha ang duah sa sakyanan nga naa kritikal nga kondisyon.
Gipistahan sa mga residente sa lugar ang mga nakatag nga feeds diin gihakot kini dala paingon sa ilang pinuy-anan.
