General Santos City- Gideklara ingon nga kampeon ang tunghaan sa Esperanza National High School sa may Sultan Kudarat alang sa gihimong pinaka-una nga Nutri-DOSE Komiks-Making Contest kagahapong adlawa sa may dakbayan sa Gensan.
Ang midaog nga komiks ang gigama nilang ni Alma Jelyssa Alih, Heart Huromay, Keith Vn Aragon, Egie Gepilano og Jordan Sumido.
Ang ilahang obra ang gitutuluhang “Paano Na Juan”? nga gikan sa Sultan Kudarat Division.
Napili ang maong gama sa mokabat sa unom ka mga entries nga gisubmitar mismo sa Departamento sa Edukasyon sa rehiyon 12 nga misalmot sa maong kompetisyon.
Misalmot usab ang Notre Dame Village National High School ng Cotabato Division, Rotonda National High School ng Koronadal City Division, General Santos City National High School sa General Santos Division, Kabacan National High School ng Cotabato Division, og Nicolas Barreras National High School ng South Cotabato Division sa nasampit nga kompetisyon.
Mas gipaburan ang entry sa Esperanza National High School tungod sa istoryang haom sa tema og naghisgot sa modernong kabataan.
Ang Nutri-DOSE Komiks making contest ang gihimo isip pagsuporta sa 2018 National Nutrition Month nga adunay tema nga “Ugaliing Magtanim, Sapat na Nutrisyon Aanihin” pinaagi usab sa tabang sa National Nutrition Council Region 12 kauban ang Nutrition in Development Organization of Social Educators (Nutri-DOSE) sa SOCCSKSARGEN.
