Subling gipili isip Presidente sa Liga ng mga Barangay o LNB Misamis Oriental Chapter si Kapitan Leonard “Lanoy” Winstanley.
Kini human sa gihimong Synchronized LNB Election sa Marco Hotel ning syudad sa Cagayan de Oro kagahapong adlawa.
Kini na ang ikaduhang higayon nga nahimong Presidente si Winstanley sa LNB gikan sa 434 ka barangay sa Misamis Oriental.
Tungod niini, magpabilin nga ex-officio Board Member si Winstanley sa Sangguniang Panlalawigan.
Samtang, gikalipay usab ni Gobernador Bambi Emano ang kalampusan sa tinguha sa ABC-MisOr human mapili ang taga Talisayan niining kandidato.
Matud sa Gobernador nga kalipay niining nagpabiling ulo sa organisasyon sa mga kapitanes si Winstanley.
Kini tungod kay haum usab ang panlantaw niini sa kasamtangang pamunuan sa kapitolyo, ang sinsero nga pagserbisyo ug sigurado dili maparehas sa uban nga mahilig manghilabot sa kwarta’s kaban sa katawhan.
