El maga confirmao ya sale muerto na explosion na Magwakit CAA detachment, brgy Colonia na ciudad de Lamitan ya conoce como canda Cpl Samad JUmah, cadre del Cafgu, CAA Muid Manda, CAA Adzlan Abdula, CAA Titimg Omar, CAA Hermilito Gapo hijo, mientras nohay ma identification el mujer y un bata quien ya muri durante el incidente.
Mientras con el maga ya sale irido ya conoce como canda CAA Wilbert Garcia, CAA Jerry Inso, y el sinco maga miembros del Army Scout Rangers inclujido el un official.
Base na initial report del policia, que el incidente ya occuri pasao alas sinco del aga enantes, mientras ta conduci checkpoint el maga military, ya puede estos columbra con un blanco van ya para distancia lang poco desde na diila detachment, y cuando ya attraca el maga cafgu ya ayuda pa era estos siendo ya tiene asegun problema na makina.
Despues nota el maga cafgu que porma’y estranghero el quien ta maneja con el van, ya man duda estos rason si por que ya reporta estos con el diila official para verifica con este, pero antes pa man ya puede attraca el sinco miembros del Scout Rangers que ta encabesa un Lieutenant ya rebenta el van, que ya casua el ensiguidas muerte del maga mencionao victima.
photo credit to: Pablan Alih
Por causa na fuerza del explosion, bien destrosao el mismo van y ya causa para agujera el tiera
