Maysa nga naisangsangayan a kayo ti daydaywen dagiti umili ken ganganaet iti probinsya ti Ilocos Norte nga masarakan iti Brgy Davila iti ili ti Pasuquin.
Nabunyagan daytoy a kayo iti nagan nga “Wishing Tree” nga patyen dagiti tattao nga nu anya man iti dawatem ket patgan na amin dagitoy.
Naipasagepsep metten kadagiti tattao a sumarungkar ti mangibati iti kantidad a kasukat iti maysa a pabor nga inda idawdawat ken adu payen iti naipatakder a panganan iti asideg ti Wishing Tree kas pammaneknek a nagbalinen daytoy a maysa a maipagpannakkel a turismo ti probinsya.
Haan met a mapukaw ti makunkuna nga “selfie with the Wishing Tree” ta nakapila ti tattao nga mangala ti ladawan ti naisangsangayan a kayo ken gapu iti kadakkel ti kantidad nga adda iti nasao nga kayo, adda dagiti nakabantay nga tanod iti barangay tapnu maprotektaran ti maipagtangtangsit a kayo iti deppaar na ti amianan.
Photos by Joselito Agustin, Broadcast Technician, iFM Laoag
