Davao City – Andam motuman sa mga guidelines nga gipagawas sa gobyerno ang Sovereign Grace Baptist Church aron malikayan ang pagkuyanap sa coronavirus disease (COVID-19) pinaagi sa pagpaundang una sa mga panagtapok-tapok sa daghang mga tawo sama sa pagsimba, human nagpagawas ug bug-at nga kamanduan ang Catholic Bishops Conference of the Philippines (CBCP).
Sumala ni Sovereign Grace Baptist Church Pastor Andres Atup, sa ilang simbahan gitugotan pa nila ang ilang mga miyembro sa pagsimba apan adunay mga giya nga gipatuman sama na lang sa dili paglamano ug manghugas sa kamot gamit ang alcohol tungod kay gamay man lang sila nga pundok di susama sa mga dagkung simbahan.
Hinoon giklaro usab ni Atup nga sa higayong mo-grabe na ang sitwasyon, ila na gayud undangon ang pagsimba aron malikayan ang panagtapok-tapok sa mga tawo.
Samtang gipasabot Atup nga karong panahona, gikinahanglan ang pagpaminaw sa pulong sa Ginoo kay mao kini ang makapalig-on sa atong pagsalig sa Diyos aron dili mawad-an sa paglaum alayon niining pagsi-aw sa maong balatian, apan dili kini magdugay.
RadyoMaN Bernard Pantallon
