Davao City – Dili lamang sumala pa alang mga Pinoy workers ang work ban visa apan applicable usab kini alang sa mga ubang mga langyaw nga nagasulod sa Amerika. Kini human sa pagbawal sa U.S. Department of Homeland Security sa mga Pinoy nga adunay temporary visa nga makapangita og trabaho partikular na kadtong adunay H-2B ug H-2A visa sulod sa usa ka tuig.
Sa pakighinabi sa DXDC RMN Davao kang Lizfet Paco, usa ka Davaoeño nga nanimuyo ug nagtrabaho na karon sa New York, USA, gisaysay niini nga additional budget sa US government kadtong nagbaton og temporary visa sama na lamang sa food stamp benefits, health benefits ug uban pa.
“Dili ra man na applicable sa Pinoy ra, applicable mana sa tanang mga foreigner na musulod dinhi sa States. Para man gud sa US government, katong naay mga temporary visa, additional budget sa US government, like food stamp benefits, health benefits…” sumala ni Paco.
Dugang pa niini nga maka apply sumala pa ang Pinoy niini apan dili nagabayad og buhis kay sagad sa nahisgutan gina sweldohan pinaagi sa cash to cash basis diin dili kini ma-detect sa gobyerno.
“Maka apply sila ana then dili nagabayad ug tax kay most of them cash to cash man ang sweldo… dili ma detect sa gobyerno – wala silay habol ana.” segun sa Pinay.
RadyoMaN Kirby Manzon
