Patay nang nadala sa Northern Mindanao Medical Center kon NMMC ang usa ka lalaki human nadisgraya sa gisakyang motorsiklo sa Maanas, Gingoog City, Misamis Oriental.
Ang biktima nailang si Arnold Quinto, 54 anyos ug taga Barangay 24, Gingoog City.
Matud sa anak niining si Heron Quinto nga pauli na sa Gingoog gikan sa Medina kini iyang amahan angkas sa motorsiklo nga gimaneho sa usa ka Danilo Caballero kinsa iyang kauban sa trabaho ug pag-abot sa dapit duna silay gi-overtakan nga multicab ug sa ilang pag-overtake kalit lang nga mitunga ang usa ka sidecar rason sa ilang pagkadisgrasya.
Dugang pa sa anak nga ang driver sa maong motorsiklo ang nakaangkon og fracture sa walang abaga samtang ang iyang amahan nga si Arnold Quinto ang nakaangkon sa gisi sa nawong dapit sa ilong ug nagkadugo ang nawong.
Ang insidente nahitabo mga alas otso kagabie apan mga ala una pa sa ganinang kadlawon nadala ang biktima sa NMMC.
