Davao City – Nahimo nang realidad sa kasamtangan ang pagdala sa mga trabaho sa opisina ngadto sa nagkadaiyang panimalay ilabi na kung adunay deadlines.
Busa uyon si Prof. Ramon Casiple, executive director sa Institute for Political ng Electoral Reforms (IPER), sa ‘Work-from-Home’ Law.
“Yung work from home ay para yan dun sa mga nagtatrabaho na kaya nilang dalhin ang trabaho sa bahay, sinasabi ng batas na magiging bahagi yan office work at bahagi yan ng iyong sweldo,” tataw niini.
Segun ni Casiple nga kini na karon ang bag-ong konsepto sa trabaho dili lang sa Pilipinas apan sa tibuok kalibutan sama sa Amerika ug Europa diin dala usab kini sa internet revolution.
Gisugilon sa propesor nga pinaagi niini mamahimo na lamang ipa-agi sa electronic mail kun e-mail ang mga trabaho partikular ang paperworks aron masuta sa mga boss ug dili na kinahanglan pa muadto sa opisina busa dakong tabang kini nga ma-improbar ang family life sa usa ka indibidwal sanglit anaa lang sa duol ang kabanay.
Kahinumdoman nga kaniadtong Disyembre 20, 2018 gipirmahan ni Pangulong Rodrigo Duterte isip balaud ang Republic Act 11165 kun ‘Telecommunicating’ kun ang ‘Work-from-Home’ Law.
RadyoMaN Jason Amisola
