![WORK-FROM-HOME-3](https://i0.wp.com/rmn.ph/wp-content/uploads/2019/01/WORK-FROM-HOME-3.jpg?resize=696%2C464&ssl=1)
Davao City – Mas dili kapoy ang giingong paghimo sa trabaho sa balay kumpara sa opisina.
Sa pakighinabi sa DXDC RMN Davao kay Danielle Aguilar, 21 anyos ug usa ka graduating student sa Holy Cross of Davao College, segun niini nga mas maayo kini nga ideya diin “less hassle” na kini ug dili na mamahimong mabalaka nga late musulod sa trabaho.
Apan susama kaniya nga graduating student, mas maayo gihapon nga makasinati siya og pagpanarbaho sa usa ka establisyemento aron magamit niya iyang mga natun-an.
Gani misulti usab kini nga bentaha ang maong balaod alang sa mga single parent o sa mga adunay pamilya nga dili kaya mabiyaan ang ilang mga anak.
Subay kini sa pagapruba ni Pangulong Rodrigo Duterte kabahin sa work-from-home law diin pipila na ka mga Dabawenyo ang nahimong interesado nga musulay ani nga sistema diin sa sulod na lamang sa ilang tagsa-tagsang mga balay mutrabaho gamit usab ang techonology sama sa computer.
Sharon Ajoc, HCDC MassCom Intern