Davao City – May kalambigitan sa trabaho ang usa sa mga gilantaw karon nga anggulo sa SITG Donasco kalabot sa pagpusil sa mga wala pa mailang mga gunmen kang Atty. Wilmer Donasco sa may Maya and Candelaria St., Ecoland ning syudad niadtong adlawng Miyerkules.
Gibutyag ni Davao City Police Office head Senior Superintendent Alexander Tagum nga gituki nila karon ang mga kasong gihawiran sa biktima.
“Job related ang isa sa mga tinitingnan natin na possibility na nag-contribute doon sa nangyaring insidente. In fact medyo mga malalaking kaso ang kanyang hinahawakan pertaining to commercial deeds, so ito iyong tinitingnan nating mga anggulo sa ngayon.” matud ni Tagum.
Gisulti ni Tagum aduna nay mga CCTV footages ug mga saksi ang mga imbestigador aron sa dugang katinawan sa kaso.
Wala pa usab gibutyag ni Tagum kung aduna na ba silay mga persons of interest.
Gikoordinar na nila ngadto sa Land Transportation Office o LTO XI ang giingong plate number sa motor nga gihimong getaway vehicle sa mga gunmen.
Matud ni Tagum nga subay sa request nga gipadangat ni Integrated Bar of the Philippines Davao City chapter President Rogelio Largo nga maproteksyunan ang anaa sa legal community temporaryo usab silang nagbutang og personahe para sa seguridad ni Atty. Donasco.
“Temporaryo po iyan dahil alam naman po natin na may kautusan ang ating chief PNP na we cannot provide VIP security so for the meantime na alam natin na mayroon siyang immediate threat at nagrerequest pa sila ng security coverage coming from the separate unit from the Police Security Protection Group then iyon po munang security coming from Talomo Police Station ang magiging security niya,” sumala niini.
Nitanyag og libreng training kalabot sa personal security ngadto sa mga manlulupig subay sa gihimong target hardening measures nga gihimo sa DCPO.
RadyoMaN Aimee Guinita
