Davao City – Gihagit karon sa Sentro ng mga Nagkakaisa at Progresibong Manggagawa (SENTRO) ang gobyerno nga kung aduna kiniy katakos, suportahan niini ang mga trabahante sa higayong lugwayan pa ang mga gipatumang guidelines ilawom sa Enhanced Community Quarantine (ECQ) kontra COVID-19.
Sumala ni Joshua Mata, SENTRO Secretary-General nga kung walaon man o lugwayan pa ang mga presenteng giya nga gipatuman, gikinahanglang adunay igong suportang ihatag ang kagamhanan ngadto sa mga trabahante ingon man ngadto sa ilang mga employer.
Matud ni Mata nga kung magpatuman og total or partial lockdown kontra COVID-19, ang gobyerno gikinahanglang suportahan ang mga mamumuo kinsa motrabaho aron adunay pagkaon ug tambal aron tubangon ang mga galastohanan sama sa pamasahe ug hospital bills sa higayong mataptan sa balatian tungod sa ilang pagpanarbaho.
RadyoMaN Bernard Pantallon
