Davao City – Uyon ang usa ka empleyado sa gobyerno sa pahimangno sa Civil Service Commission (CSC) nga silotan ang mga government officials nga nagadula og mga online games oras sa trabaho.
Sa pakighinabi sa DXDC RMN Davao kang Erwin Cagape, usa ka government employee nga sakto lamang ang maong pahimangno sa CSC diin mao usab kini ang ilang mandato sa pagsiguro nga sakto ang pagpanrabaho sa mga trabahante sa gobyerno.
“Mao na ang mandato sa CSC, ang pag ensure nga sakto sa pagpanarabaho ang mga government employees. Angay lang sad nga patawan og commensurate nga silot ang wa mag trabaho oras nga ting trabaho,” saysay niini.
Sumala sa CSC, ilalum sa maong balaod, mamahimong masilotan ang usa ka empleyado sa gobyerno nga nagdula og online games oras sa trabaho bisan og kaugalingon pang gadget ang gigamit niini.
Ilawom sa CSC Resolution No. 1701077-2017 Rule on Administrative Cases sa Civil Service, ang mga mulapas nga mga government officials ug empleyado sa Conduct Prejudicial to the Best Interest of the Service, mamahimong masuspende og unom ka bulan ug usa ka adlaw hangtud sa usa ka tuig alang sa first offense.
Samtang sa second offense, mamahimo kining matanggal sa iyang trabaho.
RadyoMaN Kirby Manzon
