Gi-mobilize na karon sa gobyernong nasyunal ang entero makinaryas niini haron mo-arangkada na ug maayo ang pagpabarug pagbalik sa Islamic capital sa lalawigan sa Lanao nga gilubok sa grabeng gubat niadtong nakalabay nga mga bulan.
Sa media briefing sa ‘Task Force Bangon Marawi,’ gi-anunsyo sa pangulo sa government rehab move Sec. Eduardo del Rosario nga paningkamotan sa estado ang pagtukod sa unang 500 ka mga ‘transitory shelters’ nga unang ihukad sa gobyerno by December 15, 2017.
Matud ni Del Rosario, tukoron sa gobyerno ang maong mga pasilidades sa 69 operation centers nga nag-serve karon sa 33 ka mga barangay nga nahisukip diha sa main battle zone.
“A world-class city will rise, a modern Marawi, much much better than it was,” segun ni Del Rosario kinsa nisaad nga halapad ang laraw sa Duterte administration diha sa pag-rebuild, rehabilitate ug reconstruct sa syudad nga nahimong panggubatan sa pwersang Maute kinsa gilutos sa tropa sa kagamhanan sulod sa lima ka bulan nga way undang nga binakbakay.
“We will not only rebuild Marawi; We will likewise rebuild their dreams for a better future and a more progressive Marawi,” dugang ni Del Rosario.
RadyoMaN June Duterte
