Duha ang patay ug unom ang samaran sa dihang giambush sa New Peoples Army ang kapulisan sa Bombaran, Municipal Police Station sa Talakag, Bukidnon mga alas 5:30 sa hapon kagahapong adlawa.
Lakip sa namatay ang usa ka pulis nga si SPO3 Arnel Carillo samtang samaran ang kaubang mga pulis nga sila Police Insp. Joven Acuesta, Hepe sa Bombaran, Municipal Police Station sa Lanao del Sur, SPO1 Pacifico Cabudoy, PO1 Nathaniel Ibal ug usa ka sibilyan nga sakay sa PNP marked vehicle.
Patay usab sa ambush ang upat ka bulang batang babaye nga naigo sa agtang ug samaran ang laing duha ka babayeng sila Ali Citi, 53 anyos nga naigo sa walang dughan ug Ali Aminsalam, 37 anyos nga naigo sa tuong kamot.
Sakay sa pribadong sakyanan ang bata ug mga babaye nga nakasunod sa patrol sa kapulisan.
Daling gidala sa hospital sa Bukidnon ug dinhi sa Cagayan de Oro ang mga samaran sa ambush.
By: RadyoMaN Annaliza Amontos-Reyes
