World record sa longest single line moving bicycles plano ibalhag sang Iloilo

87
ILOILO CITY-  Target sang organizers sang 4th Iloilo Bike Festival nga makaset sang record sang longest moving single line bicycles.
 
Suno kay Festival Executive Dir. Dr. Ronald Raymund Sebastian, target nila nga gub-on ang record nga gina-uyatan sang Bangladesh nga may 1,186 ka siklesta nga nagpasakop.
 
Ginpahayag ni Sebastian nga indi mabudlay nga gub-on ang record bangud masarangan nila nga magtipon sang halos tatlo ka libo nga mga bikers.
 
Himuon ang record breaking attempt sa Sabado , Marso 4 sa C1 sang circumferential road nga nagalaba sang pulo ka kilometro.
 
Ginabanta nga kapin sa apat ka libo nga bikers ang magapasakop sa bike festival sa Sabado, Marso 4.
 
Nahibaluan nga diri man himuon ang last leg kag awarding sang biggest cycling event sa pungsod nga ronda Pilipinas.


Facebook Comments