ILOILO – Handa na ang probinsya sang iloilo sa pag-host sang Western Visayas Regional Athletic Association ukon WVRAA meet sa Pebrero 18 tubtub 23.
Ginpahayag ni Provincial School Board secretary Jerry Bionat nga ang provincial government nagpain sang 22.7 million pesos para sa event.
Ginsiling sini nga ang sangguniang panlalawigan naghatag na sang otoridad kay governor Arthur Defensor sr sa pagsulod sa kasugtanan upod sa Department of Education – Division of Iloilo paagi sa memorandum of agreement para sa pag-release sang pondo.
Gindugang sini nga ang 5.7 million pesos ang para sa operating expenses angot sa hosting sang masobra 3 mil ka mga delegado gikan sa anum ka mga probinsya sang Western Visayas lakip na diri ang Negros Occidental. /// Photo via Parekoy Rey
