Nagpirma sang isa ka Memorandum of Understanding ukon MOU ang West Visayas State University Medical Center ukon WVSUMC para sa paghatag sang gilayon nga Medical Attention sa mga suldado sang 3rd ID kag sang ila mga dependents.
Ginpangunahan ni WVSU president Dr. Luis Sorolla ang bahin sang WVSUMC samtang si Major General Jon Aying, commander sang 3ID amo naman ang nagpanguna sa bahin sang Phil. Army.
Nasaad sa MOU nga indi na pag-irequire sang Ospital sang advance payment antis atipanon ang mga suldado nga mapilasan sa engkuwentro ukon magpaidalum sa medical examination lakip na ang ila mga dependents.
Nagapasalamat naman si General Aying sa pamunuan sang WVSUMC sa pagtanyag sang dekalidad nga serbisyo medikal sa mga suldado sang 3rd Infantry battalion.
