Ya aclara el otoridad que ya pasa lang aqui na ciudad el mas de 80 miembro del MNLF ayer aga estaba na Jolo, Sulu y yan derecho estos na Cotabato City.
Alas 4:30 del aga cuando ya llega el grupo na pantalan muntao na un barco desde Jolo y tiene 10 maga privado vejiculo el ya encuntra canila ya lleva para na Cotabato.
Asegun con el pulis, tiene coordinacion el grupo con el Fuerza Armada del Pilipinas el diila pasada aqui na ciudad.
Maga pulis del Mobile Force Company ya sigui canila guardia hasta na boundery del ciudad y Zamboanga Sibugay.
Cuantos del maga ciudadanos el ya ataranta ya tambien era despues ya sabe con el presencia del maga MNLF.
Facebook Comments
