ZAMBOANGA CITY—Cuatro persona ya muri despues ya man timpac el altura parte del tiera y ya tapa canila mientras ta dormi adentro del diila payac na barrio Peñaranda, Kabasalan, Zamboanga Sibugay del Martes aga.
Tres otro el quien ya puede salva durante el tragedia.
El PRO9 ya nombra conel maga muerto como canda Jeffrey Lamparas, Sannylito Tuquib, 21, Danilo Balicoco, 53 y si Adrian Ledesma, 30.
Mientras el maga ya salva amo canda Ernacio Catipay, Joel Longgaquit y si Joe Ledesma.
Asegun na report del pulis el siete maga persona ta esta na un payac mientras ta desmontia sila el lugar para man gardin y mientras durmido pa sila banda alas 5 del aga ya man timpac el monte serca na diila lugar y ya tapa este canila porcausa del fuerte aguasero.
Por swerte el tres ya puede corre pa afuera mientras el cuatro ya queda adentro del payac. – Dan Toribio
