Yara sa 1,300 ka job order nga mga empleyado sang provincial government sang South Cotabato, posible makakas.

Nagalab-ot sa 1,300 ka mga job order nga empleyado sang provincial government sang South Cotabato ang maapektuhan ukon makakas sa serbisyo sa tion nga magpungko ang bag-o nga administrasyon.
May-angot sini, wait and see anay ang mga job order nga empleyado kon ano ang mangin desisyon sa ila ni Governor-elect Reynaldo Tamayo Jr.
Suno kay Provincial Human Resource Management Officer Alex Basco, magaistoryahanay pa ang transition team para mahibaluan ang mga priorities sang masunod nga administrasyon lakip na ang mangin status sang mga job order nga empleyado sang lokal nga panggobyerno.
Suno sa iya matapos pa man sa Hunyo 30 ang kontrata sang mga JO kag magadepende na sa masunod nga gobernador kon i-renew ang mga ini.