Nagalab-ot sa 376 ka mga eskwelahan sa rehiyon dose ang apektado sang magkasunod nga linog sa rehiyon base sa partial data nga ginpaggwa sang Department of Education ukon Dep. Ed. 12 sang Nobyembre 1.
Sa nasambit nga datos 189 ka mga classrooms ang totally damaged, 343 ang partially major damaged classrooms kag 1,338 ang may partially minor damaged.
Ginabulubanta naman nga nagalab-ot sa P283.5 million ang kantidad nga kinahanglan para sa reconstruction kag P572.9 million ang kantidad para sa rehab kag major repair sang mga school building nga nadanyos sang linog ukon may kabug-usan nga kantidad nga nagalab-ot sa P856.4 million.
Mas malala nga naapektuhan sang linog ang mga eskwelahan sa North Cotabato nga nagalab-ot sa 144 sa diin yara sa 138 ka mga classrooms ang totally damaged, 175 ang partially major damaged kag 515 ang partially minor damaged nga mga classrooms.
Samtang ang sa Saranggani 32 ang totally damaged 2 ang partially major damaged kag 22 ang partially minor damaged nga mga classrooms.
Koronadal City 11 ang totally damaged, 14 ang partially major damaged kag 117 ang partially minor damaged nga mga classrooms.
Sa General Santos City 5 ka mga classrooms ang totally damage kag 51 partially minor damaged, sa Tacurong City apat ang may partially major damaged kag 68 ang partially minor damaged classrooms, sa Kidapawan City -1 ang totally damaged, 94 ang partially major damaged kag 168 ang partially minor damaged.
Sultan Kudarat 20 ang partially major damaged kag 175 ang partially minor damaged, sa Cotabato City 6 ang partially major damaged kag 28 ang partially minor damaged.
Sa South Cotabato duha ang totally damaged, 28 ang partially major damaged kag 194 ang partially minor damaged classrooms.
May-angot sini, suno kay South Cotabato Schools Division Supt. Isagani dela Cruz istrikto nila nga ipatuman ang kamanduan ni Dep. Ed. Regional Director Allan Farnazo nga indi na i-occupy ang mga classrooms nga indi na safe kag mag-istablisar na lang sang temporary learning shelter ang mga eskwelahan.
Samtang kadungan sa pagresume sang klase subong nga adlaw ipaidalom man sa stress debriefing ang mga estudyante bangud sa trauma nga natuga sang linog sa mga ini.
